GILLETTE: ’A PRODUZZIONE

Accussì Essa fuje ’a primma a se truvà a avé ’a producere, e ’o facette dint’’e penziere suoje, primma ’e tutto, comme fanno tutte ’e criature vive e ’ntelligente.

Ma ’a vita soja durava poco, mureva ’n media a 21 anne, ’o magnà crudo purtava ’na flora batterica ’e ll’intestino ca addeventava infezziune e irritazione d’’e organe ’e dinto, e ’o ciclo ’e vita sujo era limitato.

’A storia cagnaje sulo doppo, quanno arrivajeno ’nzieme ’o ffuoco e ll’ommo, ma nun sapimmo quale d’’e duje le trasette primma ’n capa. ’Na cosa però è sicura: ’e duje elemente ’a scucciajeno, e ’a primma cosa ca facette fuje ’e gestì e ’e cagnà tutt’’e duje, e ’a chillu mumento preciso nun se fermaje cchiù.

’Mparaje a ll’ommo a maneggià ’o ffuoco, che uso ’e ne fà, llà addò spisso ’a passione e ll’impulsività erano forte e senza cuntrollo. Essa, cu ’e mode suoje, producette serenità e raggia, comme fanno ancora oje ’e femmene, ’a luntano, senza cuorpo — ’a chiammano ’a magia d’’e femmene.

’A cosa ca Essa capette subbeto fuje ca pe producere ce vulevano idee e faticature; ’a primma azione ca facette fuje ’e dà ordine.

Dicette a ll’ommo: pe mo cagnammo casa, e d’’e grotte, nu posto stritto ca ll’aveva tenute pe anne, ll’ommo custruette ’e palafitte, ’e primme case pupulare d’’a storia, senza tasse d’’o Comune ma cu n’indirizzo preciso.

Primma palafitta, lato deritto, siconno piano, interno 1, ma senza citofono, pe rispetto d’’a privacy — e po’, essa vuleva sempe essere avvisata primma ’e ricevere visite, vuleva essere truvata pronta, no pigliata ’e surpresa e criticata, e doppo milione d’anne nun è cagnato niente.

Essa teneva ll’idea ca ’o meglioramento campa dint’’o cagnamento, e ’e nuove attività pruduttive d’’e idee erano ’o mezzo naturale pe mettere ’e situaziune ô meglio.

Accussì ’a matina asceva d’’a palafitta pe ghì a cogliere sciure, e ’e purtava dint’’o palazziello — fà bello vuleva dicere ’o preludio d’’o vennere, e chesta era ll’immagine, chello ca ’a società cerca ê cristiane e giustamente apprezza.

Accussì ll’attività pruduttiva era ’na cosa serissima; sulo doppo se puteva penzà a crià ’o prodotto e a ’o vennere, ma comme fà.
’A natura facette ’o riesto: ’a primma produzzione overa fuje crià ate cristiane, fà figlie, procreà — vuleva dicere ca ’a produzzione era accumminciata.