GILLETTE: PECCHÉ CAMPÀ?

Quanno me cercajeno che era ’a vita, dicette chiaro — d’’o punto ’e vista mio — ca se puteva descrivere comme n’algoritmo overo. Dint’a isso, duje estreme: ’a nascita e ’a morte.

Assaje surridettero. Quase pe me sfottere, comme si ’a risposta fosse ovvia. Ma ll’ommo, pe natura, va truvanno ’a cumplicazione. Sulo attraverso ’a cumplicazione s’addona ’e ll’importanza d’’e cose. Comme ’e tanta libbre ca venne Amazon — ordinate ê computer pe ’e scrivere, pecché autore comme a me hanno ditto ’e no.

Ma niente ’e tutto chesto pò parè overo, pò essere overo, dint’a ll’uocchie ’e tanta gente ca mostra sempe ’o bisogno e ’a necessità ’e jì nnanze — invece ’e restà ’nchiuse dint’a nu filo spinato senza cuntrollo, vittime sulo d’’a capa lloro.

Allora ll’esercizio addeventa cchiù semplice. Quanno diceno: dimme addò vaje e te dico chi si’. Oppure: dimme cu chi vaje e te dico chi si’. Oppure: chi va c’’o zuoppo, primma o doppo se mette a zuppecà.

’A soluzione resta sempe chella. Dint’’a sacca ’e ognuno. Restà sule c’’e decisiune proprie — arricurdannose ca nisciuno ce vo’ bene cchiù ’e quanto ce vulimmo bene nuje stesse.