’A RIVINCITA ’E P&G

Nun ero abituato a perdere, e pure ’a sconfitta ’e nu cullega ’a sentevo comme ’a mia. Chella notte nun putette durmì — avevo ’a fà quaccosa. Senza prugrammà niente, jette e facette.

Turnaje ô cunvento addò ero stato a cullegio pe otto anne ’a guaglione. Quacche monaca se ricurdava ancora ’e me. Tutte s’arricurdavano d’’o cugnome mio, Frega, e d’’a stessa frase ’e ’na vota ca dicevano sempe: «Guardate sotto ’o lietto — forse s’è annascuso llà.» I’ ero ’o diavulo dint’’a Santa Mamma Chiesa.

E allora che facette? Me pigliaje n’ordine ’e rasule pe femmene, pe se levà ’e pile — ma sta vota me ’nventaje nu sconto cassa d’’o 5%, e me ne jette cu ll’assegno mmano.

Mannaje ll’ordine a Milano cu ’e struzziune: mettere ’o solito 2% d’’e cundiziune ’e pagamento, e ’o 3% ca restava levarlo d’’e provviggione meje. E accussì succedette.

’O sapettero tutte quante. Nisciuno dicette ’na parola. Ma si ce fuje ’na cosa ca me dette suddisfazione overa, fuje vendicà ’o capo mio — n’ommo P&G ca valeva ’a pena ’e prutegge.