’E SORDE ’E GILLETTE

Quanno faticate pe ’na grossa multinazziunale americana e state dint’’o sistema, d’’o posto cchiù vascio a chillo cchiù auto, ’o modo vuosto ’e penzà parte ’a comme ammenistrate ’e risorse ’e ll’azienda, e avita sapé ausà — sia cu ’a tecnica ca cu ’a capa — ’a parola RISPARMIO, chella ca ve fa addeventà n’ommo ’e ll’azienda.

’O fatto è semprice: quanno ammenistrate ’e sorde vuoste, ’o cchiù ’o cchiù avita rennere cunto â mugliera vosta, â mamma vosta, a ll’amante vosta o â nonna vosta — sempe a ’na femmena.

Ma quanno ammenistrate ’e sorde ’e n’azienda, nun avita essere sulo attiente e rispettuse — nun ll’avita sprecà maje, pecché chilli sorde ce vularranno sempe pe cummiglià ’e strunzate ca farrate doppo.

Pure ’o rapporto cu ’e cumpagne ’e fatica è nu costo ca ve purtate ’ncuollo, pecché nun sapite maje overamente si chello ca avite ’nvestuto arriva a ’na perzona sola, o si se ne va ’nfaccia a scrivanie e cervelle — e ve fa passà, ’mmiezo â via, ’a geni e fenomeno a uno ’a levà ’a miezo zitto zitto.

E po’ ce sta ’na cosa ca ’a gente se scorda sempe: dint’’e multinazziunale — tutte quante, una pe una, ’a chelle spirituale a chelle commerciale e politiche — è sempe ’o stesso protocollo ’e ll’informazione.

’O capo sape tutto ’e tutte quante.

Ll’urdemo nun sape niente ’e niente.

È nu poco comme ’a figura d’’o curnuto dint’a ’na famiglia:

parla d’’e corne ’e tutte ll’ate,

ma nun sape ca ’o primmo a purtarle è isso.